Бруну Фернандеш "Манчестер Юнайтед" билан янги шартнома имзолашдан бош тортди

«Манчестер Юнайтед» ярим ҳимоячиси Бруну Фернандеш жамоадан кетиши мумкин. Бу ҳақда журналист Саша Тавольери хабар берди.

Манба маълумотига кўра, манчестерликлар раҳбарияти португалиялик футболчига янги шартнома таклиф қилган. Бироқ Фернандеш бу таклифни рад этган. Сабаби – маош масаласида келишув бўлмаган.

Хабар қилинишича, «Манчестер Юнайтед» Бруну Фернандешга ҳафтасига 500 минг фунт маош таклиф этган. Ҳозирда эса у манчестерликлар таркибида ҳафтасига 300 минг фунт иш ҳақи олади. Шунингдек, футболчи янги шартнома шартларидан қониқмагани айтилмоқда.

Агар томонлар яқин вақт ичида келишувга эриша олмаса, Бруну Фернандеш 2027 йил ёзида шартнома муддати тугагач, «Манчестер Юнайтед»ни эркин агент сифатида тарк этиши мумкин.