Бу футболчи Мессидан ҳам, Роналдудан ҳам зўр эди

Замонавий футболда Криштиану Роналду ва Лионель Мессини солиштириш одат тусига айланган. Янги асрда бу икки футболчи энг кўп “Олтин тўп” соҳиби бўлган.

Уларнинг гегемонлик даврида ушбу нуфузли совринга эга чиққан Лука Модрич ўзи учун энг зўр футболчи ким эканини айтиб ўтди.

- Менинг назаримда Диего Марадона тарихдаги энг зўр футболчи. Месси ҳам буюк ўйинчилар қаторига киради, лекин барибир Марадона устунроқ, - деди Лука Модрич.

Диего Марадона Лионель Месси ва Криштиану Роналдудан фарқли ўлароқ, Аргентина миллий терма жамоасини жаҳон чемпионига айлантира олган. Диего ўз даврида Европанинг “Наполи”, “Барселона” ва “Севилья” каби жамоаларида тўп тепган.