Бу галги сумма жуда катта! “Ливерпуль” орзусидаги ўйинчи учун учинчи таклифни беради

“Ливерпуль” раҳбарияти “Брайтон” вингери Янкуба Минтени сотиб олиш бўйича учинчи таклиф юбориш-юбормаслик масаласини ҳал қилади.

Ҳозирга қадар “Брайтон” мутасаддилари “Ливерпуль”нинг Минте учун 50 ва 60 миллион фунтлик иккита таклифини рад этган.

Talksport нашри маълумотига кўра, ўтган дам олиш кунлари “Ливерпуль” Минтенинг ўзи билан ҳам музокара ўтказган. Бугун эса мерсисайдликлар раҳбарияти учинчи уринишни амалга ошириш-оширмасликка қарор қилади.

“Брайтон”га яқин манба маълум қилишича, клуб ливерпулликларнинг 70 миллион фунтлик таклифини қабул қилиши мумкин. Бироқ “Ливерпуль” аввал 22 ёшли гамбиялик футболчи учун суммани 65 миллион фунтгача оширишга уриниб кўриши мумкин.

ПСЖ ҳам Ибраима Мбайе учун 70 миллион фунт талаб қилмоқда. Шу боис “Ливерпуль”нинг нархи бир хил бўлган икки варианти бор.