Асосий мазмунга ўтиш
Футбол

Бу ҳужумчи келса, "Барса"га жуда кўп гол уриб беради

Зўр ҳужумчи топилди

«Барселона» янги ҳужумчи изламоқда. Клубнинг собиқ футболчиси Жофре Матеу клубнинг янги марказий ҳужумчи харид қилиш режаларига ўз муносабатини билдирди.

Тажрибали мутахассис кутилмаган номзодни таклиф этди. Унинг фикрича, каталонияликлар спорт бўлиши эътиборини «Спортинг» сафида тўп суриб келаётган Луис Суаресга қаратиши керак.

- Масалан, «Спортинг»да ўйнаётган Луис Суарес варианти нисбатан арзон. Ўйлайманки, у Ольмо, Педри ва Ламин Ямал билан бирга ҳужум чизиғига жуда катта таъсир кўрсата олади. 

Луис бир мавсумда 35 тадан кўпроқ гол уришга қодир, — деб таъкидлади Матеу.

Луис Суарес «Спортинг» таркибида 53 ўйин ўтказган. Шу вақт ичида у 38 та гол урган ва 9 та голли узатма амалга оширган.

Футболчининг клуб билан тузган шартномаси 2030 йил ёзигача амал қилади. Transfermarkt портали унинг бозор қийматини 30 миллион евро атрофида баҳоламоқда.

Улашиш
SPORTS.uz'нинг Telegram'даги каналига аъзо бўлинг!

Изоҳлар (0)

Ҳозирча изоҳлар йўқ