Bu hujumchi yozda talash bo‘ladi!

“Brentford” bosh murabbiyi Kit Endryus yozgi transferlar oynasi davrida jamoasi hujumchi Igor Tiago uchun qit’aning top-klublari kurashga kirishishini kutyapti.

24 yoshli Tiago Premier-liganing joriy mavsumida to‘purarlar poygasida “Manchester Siti” yulduzi Erling Holandni ta’qib qilmoqda. U “Brentford” safida 35 o‘yinda 22 ta gol urgan.

Tiagoning klub darajasidagi muvaffaqiyatlari uni ilk bor Braziliya terma jamoasiga chaqirilishiga sabab bo‘ldi. Hujumchi o‘tgan hafta Xorvatiya milliy terma jamoasiga qarshi o‘yinda gol urdi.

Endryus o‘z shogirdini 2026 yildagi jahon chempionati uchun Braziliya terma jamoasi qaydnomasiga kirishiga umid qilmoqda va shu bilan birga yozgi transfer oynasida top-klublar uni o‘ziga jalb qilishga urinishini ham kutyapti.

- Biz uning hozirgi yo‘lida ma’lum darajada ishtirok etdik. Biz unga katta mehr qo‘yganmiz va uning yo‘li, rivoji va bu mavsumda qo‘ygan qadamlariga bevosita aloqadormiz.

Jamoatchilikning uning o‘yiniga, gollariga va shaxsiyatiga bo‘lgan e’tibori – juda yoqimli holat. Boshqa klublar qiziqishi – bu futbol olamida tabiiy hol. Tarkibimizda dunyoning eng yaxshi ligasida juda yuqori darajada o‘ynayotgan va ko‘p gol urayotgan hujumchi bor.

Biz uni jahon chempionatiga borishiga juda umid qilamiz. Albatta, u o‘z mamlakati nomidan o‘ynashni orzu qiladi. Agar u tanlab olinsa, biz undan chin dildan faxrlanamiz, - dedi Kit Endryus.