Бу жамоа тўғри келмайди! Серхио Рамос яхши таклифни рад этди

Европа топ-лигаларидан ўзига янги жамоа топишга ҳаракат қилаётган испаниялик тажрибали ҳимоячи Серхио Рамос кейинги пайтда бир неча клублар билан ҳамкорлик масаласида музокара ўказди.

Агентлар 39 ёшли футболчининг хизматларини таклиф қилган гранд клублар уни олишни истамади. Рамоснинг ўзи эса, ўртамиёна клублар чорловини қабул қилгиси келмаяпти.

Рамосни ҳамкорликка чақирган жамоалардан охиргиси Франция олий дивизиони дебютанти “Париж” клуби бўлди.

Foot Mercato нашри хабар беришича, 39 ёшли футболчи бу жамоа таклифига рад жавобини берди. Айрим манбаларга кўра, футболчилик фаолиятида барча совринларни қўлга кириб бўлган машғур юлдуз кучлироқ жамоадан иш топмоқчи.

39 ёшли Рамос ҳозирда эркин агент ҳисобланади. У Мексика чемпионатидаги мавсум якунланганидан сўнг, ўтган йили имзолаган “Монтеррей” билан шартномасини тўлиқ бажарди. Ушбу жамоа сафида Рамос 19 та ўйин ўтказиб, 3 та гол урди ва шунингдек, 8 марта огоҳлантирилган.