Bu o‘yinchi Xolanddan qimmat turadi

“Borussiya” rahbariyati qator klublar so‘rayotgan 19 yoshli yarim himoyachi Jud Bellingemga badal puli belgiladi.

Ma’lumotlarga qaraganda, dortmundliklar Bellingem transferiga 120 million evrodan boshlab bildiriladigan takliflarni ko‘rib chiqadi. Undan kam summali chorlovlar inobatga olinmaydi.

Ayni paytda angliyalik futbolchiga “Liverpul”, “Manchester Yunayted” va “Real”dan jiddiy qiziqish bo‘lyapti.

Yurgen Klopp bu futbolchi uchun klub rahbariyatini 100 million evro to‘lashga ko‘ndirgan. “Real” mutasaddilari esa 90 million evro sarflashga tayyor.

"Borussiya" yaqinda asosiy yulduzi Erling Xolandni "Manchester Siti"ga transfer qildi. Bu amaliyot dortmundliklarga 75 million evro keltirdi.