Бу трансферга пулни аяманг!

“Наполи” юлдузи Калиду Кулибали Англия премьер-лигасига ўтишга яқин турибди. 31 ёшли сенегаллик ҳимоячига “Челси” жиддий қизиқиш билдирмоқда.

Corriere dello Sport нашрининг ёзишича, “аристократлар” бу трансфер учун неаполликлар талаб қилаётган суммани тўлашга тайёр. Чунки Томас Тухель бир неча ҳимоячи кетганидан кейин заифлашиб қолган мудофаа чизиғини айнан Кулибали ёрдамида мустаҳкамламоқчи.

Кулибалининг “Наполи” билан шартномаси бир йилдан кейин тугайди. Ўйинчининг ўзи жамоада қолмоқчи экани ва шу боис “Барселона” ва “Ювентус”чорловларини қабул қилмагани ҳақида хабарлар чиқди.

Кулибали ўтган мавсумда 37 маротаба майдонга тушиб, учта гол ва учта ассист муаллифи бўлди.