Бу вундеркинднинг нархи Холанд ва Мбаппе билан тенглашди

Бугунги куннинг энг харидори кўп ҳужумчилари Килиан Мбаппе ва Эрлинг Холанднинг ўртача трансфер нархи 150 миллион еврони ташкил қилмоқда.

Бундеслигада яна бир ёрқин юлдуз етишиб чиқди. “Байер” клуби 18 ёшли ҳужумкор футболчиси Флориан Вирцни ҳам айнан ана шу сумма – 150 миллион еврога баҳоламоқда.

Вирц айни пайтда бир неча гранд клублар нишонида турибди. Леверкузенликлар жамоа етакчисини ўз сафида олиб қолиш учун унинг трансферини рекорд даражада қиммат қилиб белгилади.

Ҳозир Вирц учун катта харажат қиладиган клуб йўқ. Харидорлар орасидан “Барселона” ва “Челси”да молиявий муаммолар чуқурлашиб бормоқда. “Реал” асосий эътиборини Килиан Мбаппега, “Манчестер Сити” эса Эрлинг Холандга қаратган.

Вирцнинг “Байер” билан шартномаси 2024 йилнинг ёзигача давом этади. Бу ўйинчи учун кураш келаси йили ёзда авж олиши кутилмоқда. Табиийки, леверкузенликлар олдиндаги бир йил давомида ўз истеъдодини янги битимга кўндиришга ҳаракат қилади.