Буффон: "Ювентус" Чемпионлар лигаси финалларида ғалабага лойиқ бўлмаган"

Италия терма жамоаси собиқ дарвозабони Жанлуижи Буффон Чемпионлар Лигаси финалларида ютқазганини адолатли деб ҳисоблашини айтди.

"Ювентус" собиқ футболчиси ушбу клуб сафида уч марта Чемпионлар Лигаси финалида ўйнаган: 2003 йилда "Милан"га қарши (0:0, пенальтилар сериясида 2:3), 2015 йилда "Барселона"га (1:3) ва 2017 йилда "Реал Мадрид"га қарши (1:4).

"Финалларда ғалаба қозониши керак бўлган жамоа — бу бунга ҳақли бўлган жамоа. Ким кўпроқ ҳақли — ПСЖми ёки "Интер" — демак, ўша жамоа ютади.

Мен "Ювентус" билан учта финалда ютқаздим ва бу учаласида ҳам биз ғалабага лойиқ эмасдик. "Реал"га қарши ўйинда мағлубиятга лойиқ эдик, "Барселона" билан ўйинда эса имкониятимиз бўлган, лекин...

"Ювентус" мухлислари учун бу аламли, аммо мен учун ҳеч нарса ўзгармайди — ўша пайтда бошқалар кучлироқ бўлган", — деди Буффон.