Бугун, Жавлонбек Юлдашев профессионал боксда дебют жангини ўтказади

Бугун Германиянинг Виасбаден шаҳрида профессионал бокс кечаси ташкил этилади. Аҳамиятли жиҳати, ушбу кечада ўзбекистонлик Жавлонбек Юлдашев ҳам рингга кўтарилади. Юртдошимиз профессионал рингда дебют жангини ўтказади. Унинг рақиби асли келиб чиқиши туркиялик бўлган, Германия шарафини ҳимоя қилувчи Фуркан Челик бўлади. Ушбу жанг 4 раунд қилиб белгиланган. Унинг рақиби ҳам профессионал йўналишда 2 та жанг ўтказган ва унда бир мағлубият ва дуранг қайд этган. Юлдашев профессионал йўналишда фаолиятини давом эттириш учун менежер Фехми Байрам ва унга тегишли бўлган RRG Boxing промоутерлик компанияси билан шартнома қилганди. 

Маълумот учун, Жавлонбек Юлдашев ҳаваскор боксда U-22 ёш тоифасида Осиё чемпиони ва катталар ўртасида -67 кгда Ўзбекистон чемпионлигини қўлга киритган.