Бугун Бердиев ва Шацких тўқнашуви. Устунлик кимда?

Бугун "Насаф" Суперлиганинг 15-турида Тошкентнинг «Пахтакор» жамоасини қабул қилади. Учрашув 10 август куни соат 20:00 да старт олади.

Жамоалар Ўзбекистон чемпионатида шу вақтга қадар 55 бор тўқнаш келишган. Бўлиб ўтган 30 учрашувда пойтахтликлар, 11 ўйинда эса "Насаф" ғалаба қозонишган. 14 учрашувда дуранг натижа қайд этилган. Тўплар нисбати 79:48. Устунлик «Пахтакор»да.

Жамоалар сўнгги бор 2024 йил 8 март куни Тошкентда тўқнаш келишган. Учрашувда ҳисоб очилмаган. Ўзаро учрашувларда қайд этилган энг юқори ҳисоблар қуйидагича: «Пахтакор» – «Насаф» 4:0, «Насаф» — «Пахтакор» 4:0.

Эътиборингизга, Қаршида бўлиб ўтган сўнгги беш учрашувнинг натижаларини ҳавола қиламиз:

15.08.2023 й. | Насаф 0:0 Пахтакор
07.05.2022 й. | Насаф 0:0 Пахтакор
10.03.2021 й. | Насаф 2:3 Пахтакор
25.11.2020 й. | Насаф 3:0 Пахтакор
23.11.2019 й. | Насаф 1:2 Пахтакор

"Насаф" матбуот хизмати.