Бугун Эрондаги легионерларимиз ўз ўйинини ўтказади!

Бугун Эрон чемпионатида 29-тур ўйинлари бўлиб ўтади. 

Унда Азиз Амонов ҳаракат қиладиган мамлакат чемпиони "Истиқлол" жамоаси сафарда "Мес Рафсанжан" клубига қарши баҳс олиб боради. Учрашув Тошкент вақти билан 20:30да старт олади. 

Шунингдек, яна бир легионеримиз тўп тепадиган "Персеполис" клуби ўз майдони "Озодий"да "Шахр Ходро" жамоасини синовдан ўтказади. Ушбу беллашув ҳам Тошкент вақти билан 20:30да бошланади. 

Маълумот ўрнида, "Истиқлол" айни пайт 64 очко билан жадвалда 1-ўринда бормоқда. Клуб чемпионликни расмийлаштириб улгурган. 

"Персеполис" ҳисобида 54 очко мавжуд бўлиб, клуб 3-ўринни банд этиб турибди.