Бугун Жаҳон чемпионатида Элбек Тожиевга мухлислик қиламиз!

Озарбайжон пойтахти Боку шаҳри дзюдо бўйича катталар ўртасидаги Жаҳон чемпионатига мезбонлик қилмоқда.

Сайёрамизнинг 93 давлатидан келган дзюдочилар иштирокида ўтказилаётган дунё биринчилигининг учинчи куни эркаклар ўртасида -73 кг, аёлларда эса -57 кг вазн тоифасида ғолиб ва совриндорлар аниқланади. 

Бугунги беллашувларда терма жамоамиз аъзоларидан Элбек Тожиевга мухлислик қиламиз. У илк даврада британиялик Этан Найрнга қарши татамига чиқади. 

Бу ҳақда Ўзбекистон дзюдо федерацияси матбуот хизмати хабар бермоқда.