Хабарингиз бор бир неча кун давомида Бирлашган Араб Амирликлари яшил майдонларида клублар ўртасидаги жаҳон чемпионати учрашувлари бўлиб ўтди. Бугун ушбу мусобақанинг 3-ўрни учун ва ҳал қилувчи финал баҳслари бўлиб ўтади.

Дастлаб Тошкент вақти билан соат 18:30да ярим финалларда мағлуб бўлган “Кашима Антлерс” (Япония) ва “Ривер Плейт” (Аргентина) ўзаро куч синашади. Соат 21:30дан бошлаб мухлислар “Реал Мадрид” (Испания) ҳамда “Ал-Айн” (БАА) клублари ўртасидаги финал учрашувини томоша қилишлари мумкин.

Эслатиб ўтамиз, ҳар иккала учрашув ҳам “Спорт” телеканали орқали жонли эфирда намойиш этилади.