Бугун Про лига 17-тури старт олади. Кимлар бу турни ўтказиб юборади, турнир жадвали қандай кўриниш олган? (Фото)

Бугун Про лиганинг 17-турига старт берилади. Кун доирасида иккита ўйин бўлиб ўтиши белгиланган. 

Дастлаб, 17:00 да "Арал" ўз майдонида "Динамо"ни қабул қилса, 17:30 да Самарқанднинг бошқа бир жамоаси "Юниред" "Машъал" билан куч синашади. 

"Динамо"нинг тўпурар легионери Жоель Кожо мазкур турда жамоасига ёрдам бера олмайди. У ФИФА кунлари доираси Қирғиз Республикаси терма жамоаси сафида бўлиб турибди. 

Қуйида 17-турни ўтказиб юборадиган барча футболчи ва расмийлар билан танишиш имконига эгасиз.

16-турдан сўнг турнир жадвалида "Локомотив" пешқадамлик қилмоқда. Бироқ ортдан келаётган таъқибчилар билан тафовут у қадар катта эмас. 33 очкоси бор "темирйўлчилар" битта кам, яъни 14 та ўйин ўтказган. "Қўқон-1912" 15 баҳсда 32 очко тўплаган бўлса, "Динамо" худди шунча учрашувда 31 очко йиғишга муваффақ бўлган. 

Охирги ўринларда эса водийнинг икки жамоаси бормоқда. "Андижон-SGS" 10 очко билан 10-поғонани банд этган, "Навбаҳор-Фарм" эса 9 очко тўплаган ҳолда сўнгги 11-ўриндан жой олган. Қуйида тўлиқ турнир жадвали билан танишиш имкониятига эгасиз!