Бугун бир нафар боксчимиз қитъа биринчилигини тарк этди, 5 нафари эса кейинги босқичда!

Бугун Осиё чемпионати доирасида U23 терма жамоамиз қизларидан 6 нафари ўз баҳсларини ўтказди.

Вакилларимиз иштирокидаги баҳсларнинг биринчисида, Робияхон Бахтиёрова -48 кг вазнда мезбон Линда Сарига 2:3 ҳисобида имкониятни бой бериб қўйди.

-51 кг вазнда Гулсевар Ғаниева филиппинлик Хиан Багуиндан 5:0 ҳисобида устун келди.

-54 кг вазнда Узукжамол Юнусова қирғизистонлик Милана Шихшабековани иккинчи раундда техник нокаутга учратди.

Хуморабону Мамажонова ҳам кейинги босқичда. Вакиламиз -57 кг вазнда мезбон Нурул Иззага ҳеч қандай имконият қолдирмади. 5:0.

-60 кг вазнда Муштарийбону Иброҳимжонова Вьетнам вакиласи Ти Нхунг Қуангни иккинчи раундда техник нокаутга учратди.

Севинч Хуррамова -65 кг вазнда бўлиб ўтган баҳсда, қозоғистонлик Аружан Жангабаевани 4:0 ҳисобида мағлубиятга учратди.

Бу ҳақда Ўзбекистон Бокс федерацияси хабар бермоқда.