"Бунёдкор" бош мураббийи: "Дуранг биз учун қониқарли натижа ҳисобланмайди"

Суперлигада 20-тур ортда қолди. "Бунёдкор" жамоаси  Тошкентда "Насаф"ни қабул қилди ва 2:2 ҳисобида дуранг ўйнади. Беллашувдан сўнг жамоа мураббийи Илёс Зейтуллаев матбуот анжуманида иштирок этди.

- Биринчи таймдан сўнг шогирдларимга биз энг зўр 45 дақиқаликни ўтказганимизни айтдим. Уларга раҳмат айтаман. Охиригача жанг қилишди.

- Жамоани ниманинг эвазига уйғота олдингиз?

- Ҳар бир баҳс учун алоҳида, жиддий тайёргарлик кўряпмиз. "Бунёдкор" доим олдига катта амбициялар қўядиган клуб. Шунга лойиқ бўлишга интиляпмиз.

- Танаффусда шогирдларингизни қандай руҳлантирдингиз?

- Дуранг биз учун қониқарли натижа ҳисобланмайди. Йигитлар ирода кўрсата олишди. Ҳозирги ҳолатимизни ҳамма кўриб, билиб турибди. Танаффусда мақсадимиз йўлида исталган жамоа билан ўйинда очко олиш шартлигини уқтирдим.