"Бунёдкор" машғулотларида 30 нафарга яқин футболчи иштирок этмоқда

Аксарият жамоалар қатори "Бунёдкор" ҳам янги мавсумга тайёргарликни бошлаб юборди. "Бунёдкор" академиясининг ёпиқ залида ўтказилаётган машғулотларнинг иккинчи кунида жисмоний тайёргарликка урғу берилди.

Клуб матбуот хизматининг хабар беришича, ушбу машғулотларда 30 нафарга яқин ўйинчи иштирок этмоқда. Йиғинга ўринбосарлар таркибидан ташқари, бир нечта ёш футболчилар ҳам кўрикка жалб этилган. Улар жисмоний тайёргарлик бўйича мураббий Ирина Дергач қўл остида шуғулланмоқда. Умумий жисмоний тайёргарлик машқларидан сўнг футболчиларимиз икки таркибга ажратилди. 

Йиғинда қуйидагит футболчилар иштирок этмоқда:

Сарвар Каримов, Равшан Ягудин, Акобир Қаюмов, Лутфулла Тўраев, Шаҳбоз Эркинов, Хуршид Ғиёсов, Нурилло Тўхтасинов, Абдулла Абдуллаев, Миржаҳон Мираҳмадов, Фаррух Икромов, Расул Йўлдошев, Иброҳим Ибрагимов, Суҳроб Иззатов, Суннатилла Абдуллажонов, Абдулазиз Абдусаломов, Валерий Акопов, Муҳаммадодил Қаҳрамонов, Бобурбек Фарҳодов, Хуршид Убайдуллаев, Музаффар Олимжонов, Санжар Қодирқулов, Жавоҳир Омонов, Саидмаҳмудхон Ғуломов.