Рақиб голига сабабчи бўлиб қолган Ҳусановнинг ўйинига қандай муносабат бўлди?

Англия Премьер-лигасининг 35-турида “Манчестер Сити” сафарда “Эвертон” меҳмони бўлиб, камбэк қурбонига айланишига бир баҳя қолди. Гарчи “шаҳарликлар” Жереми Доку зарбаси эвазига ҳисобни очган бўлса-да, кейин иккинчи бўлимда кетма-кет учта тўп ўтказиб юборди.

Учрашув охиригача Эрлинг Холанд ва Жереми Доку яна иккита гол уриб, Хосеп Гвардиола жамоасини мағлубиятдан қутқариб қолди.

“Манчестер Сити”нинг қимматли очко йўқотгани чемпионлик пойгасида “Арсенал”га қўл келиши мумкин.

Нуфузли манба – cityxtra.co.uk сайти экспертлари “Манчестер Сити” футболчиларининг ҳаракатларини қуйидагича баҳолади.

Жанлуижи Доннарумма – 6

Италиялик посбон Мерлин Рёль ва Илиман Ндиайе хавфли зарбаларини бартараф этди, аммо Тьерно Барри ҳисобни тенглаштирганда ҳеч нарса қила олмади. О’Брайен гол урганда тўпни мушт билан чиқаришга ҳаракати жуда суст бўлди.

Матеуш Нуньеш – 5,5

Нуньеш майдон ҳолатига мослашишга қийналди ва бунинг оқибатида бир неча ишончсиз ҳолатларни амалга оширди. Айниқса, Матеуш Ндиайега дарвозабон билан яккама-якка чиқиш имкон бергани ҳам шу ишончсизлик оқибати бўлди. Бошқа ҳолларда унинг ўйини яхши даражада бўлди.

Абдуқодир Ҳусанов – 4,5

Бу кескин ва муросасиз курашлар остида ўтган кечада Ҳусанов кўпроқ совуққонликни сақлаши керак эди. Бир нечта яккакурашларда ғалаба қозонди, аммо унинг эҳтиётсизлиги оқибатида қилган хатоси бурчак зарбасига сабаб бўлди ва айнан шу вазиятдан “Эвертон” иккинчи голини уриб, учрашувда бурилиш ясашга муваффақ бўлди.

Абдуқодир биринчи бўлимда ишончли ўйнаганига қарамай, учрашувнинг иккинчи ярмида “Эвертон” босимига қарши жуда қийналди.

Марк Гехи – 4

Шу ҳолатгача у ишончли ўйнаб, вазиятни назорат қилаётгандек кўринган, аммо унинг қўпол хатоси “Эвертон”нинг жавоб голига сабаб бўлди. Қолган вақтда у тўпни хотиржам олиб чиқди, лекин ўша ҳолат ҳақиқий фалокат бўлди.

Нико О'Райли – 5,5

Биринчи бўлимда “Сити” устунлигида муҳим роль ўйнаб, ҳужумларни илгари сурди ва Доку билан яхши ўйнади. Аммо иккинчи бўлимда “Эвертон”нинг босимига яхши жавоб бера олмади, рақибнинг учинчи голи унинг қанотидан киритилди.

Нико Гонсалес – 5,5

Майдон сифати унга ҳам салбий таъсир қилди, лекин у тўп назоратида яхши кўринди. Бироқ у ҳали ўрганиши керак бўлган жиҳатлар борлигини кўрсатди, айниқса “Эвертон” қарши ҳужумларида қийналди.

Бернарду Силва – 5

“Сити” устунлик қилган пайтларда ўйинни яхши назорат қилди. Катта ҳудудни қамраб олди, аммо ҳимояга қайтиб, голларнинг олдини олишда қийналди.

Райан Шерки – 6

Майдонда хавфли ҳаракат қилди, лекин кўп ҳолларда самарага эриша олмади. Доку учун имконият яратиб берди, аммо плеймейкер сифатида шу билан чекланди.

Антуан Семеньо – 5,5

Унинг қанотида Докуга нисбатан камроқ ўйинчи бўлди, аммо тўп унга келганда хавф туғдирди. Ярим имкониятларда унинг зарбалари ноаниқ бўлди.

Эрлинг Холанд – 7

Одатдагидан кўпроқ тўпга тегди ва жамоадошлари билан яхши ўйнади. Ҳужумнинг ҳал қилувчи қисмида узоқ вақт таъсир кўрсата олмади, аммо кейинчалик чиройли гол урди.

Жереми Доку – 8,5 (энг яхши ўйинчи)

Унинг дриблинги бутун ўйин давомида “Сити” учун асосий хавф бўлди ва кетма-кет имкониятлар яратди. Иккинчи бўлимда таъсири бироз пасайди, аммо икки ажойиб гол уриб, жамоасига бир очко олиб берди.

Матео Ковачич – 5

У Холанд гол урган ҳужумда ажойиб пас берди, аммо Рёлни осонликча ўтказиб юбориб, Баррининг иккинчи голига ҳам Ковачични жавобгар қилиш мумкин.

Фил Фоден – 5,5

Бир нечта югуришлар қилди ва бир марта хавфли зарба берди холос.

Агуэро Ҳусановдан сюрприз кутмоқда!

Ҳусанов қаҳрамонлардан бири бўлган учрашув АҚШда рекорд ўрнатди!

Шацких: Ҳусановни бу футболчи билан солиштирманг!

У мени ютади! Машҳур ҳужумчи Ҳусановнинг зўрлигини тан олди

“Сити”ни биринчи ўринга кўтаришга ҳисса қўшган Ҳусановнинг ўйини қандай баҳоланди?

Шомуродовдан қолган жойни Муҳаммад Салоҳ эгаллайди