"Бунёдкор" нигериялик ҳужумчи билан шартнома тузди

Мавсум стартига яқин қолгани сари “Бунёдкор” билан шартнома имзолаётган ёки амалдаги шартномасини узайтираётган футболчиларнинг сони ошиб бормоқда.

Куни кеча яна бир қатор ўйинчилар билан шартнома имзоланди.

Хусусан, ўтган мавсумни “Қизилқум” сафида ўтказган нигериялик Иброҳим Томива ва “Бухоро” посбони Зафар Сафоев 2021 йилда “Бунёдкор” либосида тўп суриши аниқ бўлди.

Шунингдек, Сарвар Каримов ва Любомир Бондаренко яна фаолиятини “Бунёдкор” билан боғлади. Умидли футболчи Диан Талхатов эса, “қалдирғочлар”нинг янги аъзосига айланди, - деб ёзмоқда, “Бунёдкор” матбуот хизмати.