"Бухоро" жаҳон чемпионатида ўйнаган футболчиларга жиддий қизиқяпти

Биринчи даврани ўз имконияти даражасида ўтказа олмаган “Бухоро” иккинчи даврага бошқача тайёргарлик кўриши кутилмоқда. Жамоа бош мураббийи Улуғбек Бақоев таркибни кескин кучайтириш пайида юрибди. Бунинг учун у бир қатор собиқ футболчиларини ҳам “Бухоро”да кўрмоқчи.

Шу сабабли ёзги селекцияда бухороликлар фаоллик кўрсатади. Чунки биринчи давра тугамасиданоқ клубни бир қатор ўйинчилар тарк этгани хусусида илгари сайтимиз орқали хабар бериб ўтгандик.

Шунингдек, Улуғбек Бақоев Ўзбекистон ёшлар терма жамоаси сафида Осиё чемпионлигини қўлга киритган ва Аргентинадаги жаҳон чемпионатида тўп сурган ўйинчилардан бир нечтасини ҳам “Бухоро”га олиб келмоқчи.

Трансфер ойнаси очилган маҳалда тажрибали ўйинчилар билан бирга айнан терма жамоа шарафини ҳимоя иқтидорли ёшлар ҳам жалб этилиши кутилмоқда. Воқеалар ривожини кузатишда давом этамиз.