Йиғинини Тошкентда давом эттираётган “Бухоро” клубида ҳам ўзгаришлар давом этяпти. Бош мураббий Даврон Файзиев таркибни янада кучайтириш ва рақобатни ошириш мақсадида легионер ўйинчиларни ҳам таклиф қилишда давом этяпти.

Ҳозирда “Локомотив” клубида тўп суриб келаётган грузиялик Кахи Махарадзенинг укаси Борис Махарадзе “Бухоро” машғулотларига қўшилди. 1990 йилда туғилган кичик Махарадзе ҳимоячи бўлиб, бунгача у Грузиянинг “Локомотив” (Тбилиси), “Шукура”, “Динамо” (Батуми), “Колхети-1913” каби клубларда тўп сурган.

Қолаверса, “Бухоро” сафига ганалик ярим ҳимоячи Незер Тавиа қўшилган ва ҳозирда мураббийлар уни ҳам синовдан ўтказишяпти. Бундан ташқари, бунгача “Истиқлол” жамоасининг машғулотларида иштирок этган ҳужумчи Даврон Исоқов ҳам “Бухоро”нинг йиғинида иштирок этяпти.

Бугун “Бухоро” жамоаси биринчи лига иштирокчиси – “Нефтгазмонтаж”га қарши ўртоқлик учрашувида қатнашди. Мураббийлар етакчи футболчиларга дам берган ҳолда асосан янги келган ўйинчилар синовдан ўтказилди.

“Бухоро” таркиби: Рахат Жаппаров, Борис Махарадзе, Ҳакимхон Аъламхонов, Сардор Иззатов, Азамат Исроилов, Нуржахон Музаффаров, Абдужамол Исроилов, Жобирбек Наврўзов, Абдулла Ғайбуллаев, Раҳимжон Обидов, Шахзод Бешимов.

Захирадан майдонга тушганлар: Сардор Қобулжонов, Миржалол Жумаев, Сайдулло Тошпўлатов, Шохруҳ Холматов, Рустам Абдуҳамидов, Файзулло Жуманқўзиев, Даврон Исоқов, Незер Тавиа.

Ушбу учрашувда “Бухоро” 3:1 ҳисобида ғалаба қозонди. Голларга Шохруҳ Холматов (пенальтидан), Незер Тавиа ва Даврон Исоқов муаллифлик қилдилар.  

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар