"Buxoro" o‘rtoqlik uchrashuvida "Mash’al"ga yutqazdi

Turnir jadvalida oxirgi o‘rinda borayotgan “Buxoro” navbatdagi o‘yinlar uchun o‘z qarorgohida tayyorgarlikni davom ettirmoqda.

Chempionatimizda yuzaga kelgan tanaffusdan unumli foydalanish uchun buxoroliklar “Mash’al”ga qarshi nazorat uchrashuvida ishtirok etdi.

Muborakda o‘tkazilgan o‘yinda “Buxoro” 0:2 hisobida imkoniyatni boy berdi. Mezbonlardan Akobir To‘raev va Sherzod Temirovning gollariga buxoroliklar javob qaytara olmadi.