Ўзбекистон Республикаси Бош вазири А. Ариповнинг 2019 йил 24 июлдаги 1-сонли буйруғи ижросини таъминлаш мақсадида 2019 йил 14 августда Тошкент вилоятининг Бўка тумани ҳудудида “Чарм тўп” мусобақасининг 3-босқичи учрашувлари бўлиб ўтди. Унда Бўка туманидан “Жағалбайли” МФЙ, Оққўрғон туманидан “Хамзаобод” МФЙ, Бекобод туманидан “Янгибозор”  МФЙ, Бекобод шаҳридан “Цементчи”  МФЙ, Нурафшон шаҳридан “Бобур” МФЙ, Ўртачирчиқ туманидан “Халқобод” МФЙ  жамоалари ўзаро кураш олиб боришди.

Муросасиз кечган баҳслар натижасига кўра финалда Бўка ва Нурафшон маҳаллари ўзоро беллашадиган бўлишди.  Ҳал қилувчи баҳс 3-1 ҳисобида Нурафшон шаҳри шарафини ҳимоя қилаётган “Бобур” МФЙнинг ғалабаси билан якун топди ва улар ҳудудий босқичда ғолиб бўлиб, вилоят финал босқичига йўлланма олишди.