"Челси" 18 ёшли Хадсон-Одоига деярли 6 млн евро маош таклиф қилмоқда

Лондоннинг "Челси" клуби ҳужумчи Каллум Хадсон-Одои билан амалдаги шартномани узайтириш бўйича келишувга эришишга яқин турибди.

Daily Mail нашри тарқатган хабарга кўра “аристократлар” 18 ёшли футболчига 5 йилллик шартнома ва йилига 5,8 млн евро маош таклиф қилишмоқда. Ушбу маблағ бонуслар ҳисобига 12 млн еврогача ошиши мумкин.

Эслатиб ўтамиз, Хадсон-Одоининг “Челси” билан амалдаги шартномаси 2020 йилга қадар имзоланган. Қишки трансферлар даврида унга “Бавария”дан жиддий қизиқишлар бўлган эди.

Маълумот учун, Хадсон-Одои “Челси” тарбияланувчиси ҳисобланади. У ўтган мавсум жами 28та ўйинда майдонга тушди ва 5та гол ҳамда 5та голли узатмага муаллифлик қилишга эришди.