Асосий мазмунга ўтиш
Футбол

"Челси" 67 йил давомида бунақа шарманда бўлмаганди

Алонсо ҳам эплолмаяпти

Англия премьер-лигаси 11-туридан ўрин олган баҳсда «Челси» ўз майдонида «Лидс»ни қабул қилди. Учрашув кутилмаган тарзда якунланди: Хаби Алонсо шогирдлари йирик ҳисоб — 1:4 ҳисобида мағлубиятга учради.

Chelsea Dodgers саҳифаси маълумотига кўра, бу мавсумда «Челси» учун тарихий нохуш серия қайд этилди. «Аристократлар» 67 йил ичида илк бор ўз майдонида бир мавсумда ҳам «Лидс», ҳам «Тоттенхэм»га ютқазди. Аввалроқ, саккизинчи турда, лондонликлар дербида «шпорлар»га 0:2 ҳисобида мағлуб бўлган эди.

«Хаби Алонсо энди мухлислар бу ҳолатга қай даражада жиддий қараётганини яхши тушуниб етди. Унинг жамоаси учрашув давомида қаттиқ ҳуштакбозликка учради, мураббийнинг ўзи эса масхара ва танқидлар нишонига айланди», — дея таъкидланади Chelsea Dodgers хабарида.

Мазкур мағлубиятдан сўнг «Челси» турнир жадвалида саккизинчи поғонада қолмоқда.

Улашиш
SPORTS.uz'нинг Facebook'даги саҳифасига аъзо бўлинг!

Изоҳлар (0)

Ҳозирча изоҳлар йўқ