"Челси" Абрахам билан келишолмаяпти

Лондоннинг "Челси" клуби ўз форварди Тэмми Абрахам билан янги битим борасида келишолмаяпти.

Бунга сабаб, 22 ёшли ҳужумчининг вакиллари ҳафтасига 180 минг фунт маош талаб қилишмоқда. Жамоа ярим ҳимоячиси Каллум Хадсон-Одои ҳафтасига шунча маош ишлаб топади.

Жорий мавсумни Абрахам ёрқин ўтказганидан сўнг, "Челси" футболчини жамоада олиб қолмоқчи, аммо музокараларда келишолмаяпти.

Эслатиб ўтамиз, Абрахам жорий мавсум АПЛда 19 учрашув ўтказиб 12 та гол урди ва тўпурарлар рўйхатида етакчилик қилаётган Жейми Вардидан 5 тага камроқ гол уриб, 3-ўринни эгаллаб турипти.