“Челси” бирданига 4 та катта трансферни амалга оширяпти

“Челси” таркибини тозалашни давом эттирмоқда. Клуб раҳбарияти бош мураббий Энцо Мареска фойдаланмайдиган ўйинчиларни қўйиб юбориб, уларнинг ўрнига бошқа ижрочиларни олиб келади.

Клуб тарбияланувчиси Конор Галлахер “Атлетико”га ўтадиган бўлди. Мадридликлар бу ўйинчи учун 34 миллион фунт тўлаши кутиляпти.

“Генк” 19 ёшли дарвозабони Майк Пендерсни Лондонга юборяпти. Истеъдодли голкипер “аристократлар” 17 миллион фунтга тушади.

Тажрибали ҳужумчи Ромелу Лукаку фаолиятини яна Италияда давом эттиради. Бу гал бельгиялик форвард “Наполи”да ўзини кўрсатади.

Ўз навбатида, “Наполи”ни тарк этмоқчи бўлаётган Виктор Осимхен “Челси”дан қўним топиши кутиляпти. Ҳар икки клуб тажрибали ҳужумчилар олди-бердисини келишиб олиши талаб этилади.