"Челси" дунёнинг энг қиммат дарвозабонини "Атлетико"га бермоқчи

Лондоннинг "Челси" клуби "Атлетико" Мадрид дарвозабони Ян Облакнинг хизматларига жиддий қизиқиш билдира бошлади. Бу ҳақда El Chiringuito TV хабар тарқатмоқда.

Юқоридаги манбаага кўра 27 ёшли словениялик посбонни шахсан “аристократлар” устози Фрэнк Лэмпард хоҳламоқда. Лондонликлар унинг трансфери учун “матрасчилар”га 30 миллион евро ва ўзининг асосий дарвозабони Кепа Аррисабалагани беришмоқчи.

Маълумот учун, Облак жорий мавсум “Атлетико” сафида 34 та ўйинда майдонга тушди ва ўз дарвозасидан 25 та гол ўтказиб юборди. Кепа эса 43 та ўйинда 31 та гол ўтказиб юборди.