Лондоннинг "Челси" клуби ярим ҳимоячиси Рубен Лофтус-Чик муваффақиятли операция қилинди. Бу ҳақда клуб расмий сайти хабар тарқатмоқда.

Аммо, ҳозирча 23 ёшли Англия терма жамоасининг қачон соғайиб сафга қайтиши маълум қилинмаяпти.

Эслатиб ўтамиз, Лофтус-Чик "Нью-Ингленд Революшн" (3:0) жамоасига қарши ўтказилган ўртоқлик учрашувида жиддий жароҳат олган эди.

Маълумот учун, Лофтус-Чик жорий мавсум “аристократлар” сафида жами 40та ўйинда иштирок этди ва ўз ҳисобига 10та гол ҳамда 5та голли узатма ёздириб қўйишга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)