“Челси” футболчиси рақиб жамоага ўтиб кетмоқчи

Лондоннинг “Челси” клуби ҳужумкор футболчиси Педру Нету “аристократлар”нинг Англия Премьер-лигасидаги ашаддий рақибларидан ҳисобланган “Ливерпуль”га ўтиш имкониятини кўриб чиқишга тайёр.

Бу ҳақда Indykaila News нашри маълум қилди.

Манбага кўра, португалиялик футболчи яқин трансферлар ойнасида клубини алмаштириш эҳтимолини истисно қилмаяпти. Бироқ ҳозирча томонлар ўртасида расмий музокаралар бошлангани тасдиқлангани йўқ.

Педру Нету 2024 йилнинг ёзида “Вулверхэмптон”дан 60 миллион евро эвазига “Челси” сафига қўшилган.

У ўтган мавсум барча мусобақаларда 52 та ўйин ўтказиб, 10 та гол ва 10 та голли узатма қайд этди.

Шунингдек, Португалия терма жамоаси сафида жаҳон чемпионатида битта голли узатма амалга ошириб, жамоасининг 1/8 финалга чиқишига ҳисса қўшди.