"Chelsi" futbolchisini yana Italiyaga qaytarishmoqchi

Londonning "Chelsi" klubi himoyachisi Emerson Palmeri yana A Seriyaga qaytishi mumkin.

Italiyalik jurnalist Nikolo Skiraning xabar berishicha, 25 futbolchiga "Yuventus"dan qiziqishlar mavjud. Turinliklar uni yaqinlashib kelayotgan yozgi transferlar davridayoq sotib olishni maqsad qilishgan.

Qayd etish lozimki, Emerson uchun Italiya chempionati begona emas. Boisi, u "Chelsi"ga o‘tgunicha "Palermo" va "Roma" kabi A Seriya klublarida to‘p surgan.

Emerson joriy mavsum “Chelsi” safida 18 ta o‘yinda maydonga tushdi va 1 ta golga assistentlik qilishga erishdi.