“Челси” клублар ўртасидаги жаҳон чемпионатидан қуруқ қолиши мумкин

“Челси” ўзи иштирок этган барча мусобақаларда ғолиблик учун курашади ва аксарият ҳолларда буни уддалаган. “Аристократлар” ҳозирча клублар ўртасидаги жаҳон чемпионатида ғолиб чиқмаган холос.

Лондонликлар 2012 йили Европпа Чемпионлар лигаси ғолиби сифатида жаҳон чемпионатида қатнашиб, финалда “Коринтианс”га имкониятни бой берган эди.

Клублар ўртасидаги жаҳон чемпионати шу йил охирида Японияда ташкил этилиши керак эди. Бироқ, бу мамлакатда коронавирус пандемияси авж олмоқда. Маълумотларга қараганда, мусобақа мезбони ўзгартирилиши кутилмоқда.

Яна бир муҳим жиҳат шундаки, клублар ўртасидаги жаҳон чемпионати кейинги йилга қолдирилиши ёки бекор қилиниши эҳтимоли жуда катта.