"Челси" "Ливерпул"нинг рекордини йўққа чиқариши мумкин

Лондоннинг "Челси" клуби дарвозабонлар трансфери бўйича янги жаҳон рекордини ўрнатиши мумкин.

Daily Mail нашри тарқатган хабарга кўра “аристократлар” “Атлетико” посбони Ян Облакни сотиб олишга уриниб кўришмоқчи. Бунинг учун улар 25 ёшли словениялик дарвозабоннинг шартномасида кўрсатилган 100 млн евролик товон пулини тўлашга тайёр. Фақат бундан аввал “Челси” ўзининг бельгиялик посбони Тибо Куртуанинг трансфери борасидаги ишларни якунлаши лозим.

Эслатиб ўтамиз, Куртуага Мадриднинг “Реал” клуби жиддий қизиқиш билдирмоқда.

Маълумот учун, дарвозабонлар трансфери бўйича рекорд ҳозирча "Ливерпуль" клубига тегишли. Айнан мерсисайдликлар жорий ёзги трансферлар даврида бразилиялик дарвозабон Алиссон Бекер учун "Рома"га нақд 62,5 млн евро тўлашди.