“Челси” манчестерликлар қувиб юборган юлдузга иш бермади

Таниқли журналист Саймон Филлипснинг маълум қилишича, “Челси” раҳбарияти “Манчестер Юнайтед” ўйинчиси Жейдон Санчони ўз сафига қўшиб олиш таклифини қабул қилмаган.

Санчонинг агентлари бир неча клублари қаторида “аристократлар”дан ҳам ўз мижозига иш беришни сўраган. Лкин “Челси” мутасаддилари 24 ёшли ҳужумкор футболчи жамоага тўғри келмаслигини рўкач қилиб, ундан юз ўгиргани айтилмоқда.

Жейдон Санчо Англиянинг энг иқтидорли футболчилар бири сифатида эътироф этилган. Бироқ у “Манчестер Юнайтед” бош мураббий Эрик тен Хаг билан келиша олмай қолгани учун якунланган мавсумни ижара асосида “Боруссия”да ўтказишига тўғри келди.

Эрик тен Хаг Манчестердаги ишини давом эттириши ҳал этилганидан кейин Жейдон Санчо ўзига янги жамоа қидиришга мажбур бўлмоқда.