"Челси" мухлислари учун нохуш хабар

«Челси» ярим ҳимоячиси Кристиан Пулишич кеча Англия кубогининг чорак финалидан ўрин олган «Лестер»га (1:0) қарши ўйинда жароҳат олган. Бу ҳақда “аристократлар” бош мураббийи Фрэнк Лэмпард хабар берди.

Унинг сўзларига кўра, америкалик футболчи иккинчи бўлимда ўзини ноқулай ҳис қила бошлаган ва шу боис захирага олинган. У тез орада тиббий текширувдан ўтказилади.

21 ёшли Пулишич жорий мавсум жорий мавсум “Челси” сафида 18 та ўйинда майдонга тушди ва 7 та гол ҳамда 2 та голли узатмага муаллифлик қилди.