"Челси" МЮ қизиқиш билдирган футболчини илиб кетиши мумкин

"Челси" "Манчестер Юнайтед" ва "Манчестер Сити' билан бирга "Порту" дарвозабони Диогу Коштага қизиқмоқда. 25 ёшли португалиялик посбон клубнинг асосий мақсадларидан бирига айланган. Бу ҳақида "Teamtalk" нашри хабар бермоқда.

Коштани сотиб олиш учун 75 млн евро тўлов керак, аммо "Порту" 5-10 млн евро чегирмага рози бўлиши мумкин. Лондонликлар ўтган ёзда ҳам уни олишга уринишган, аммо кейинчалик "Вильярреал»"дан Филип Йоргансенни олишган. Португалиялик футболчининг бу мавсумдаги янада ишончли ҳаракати Англия Премьер-лигасининг бир нечта топ клубларининг қизиқишига сабаб бўлмоқда.

Шунингдек, "Челси" арзонроқ вариант сифатида "Милан" дарвозабони Майк Меньянга ҳам қизиқиш билдирмоқда.