"Chelsi" o‘ziga zo‘r hujumchi topdi

Avstriyaning “RB Zaltsburg” klubi hujumchisi Benjamin Sheshko faoliyatini Angliya Premer-ligasining top-klublaridan birida davom ettirish imkoniyatiga ega.

Fichajes jurnalistlarining yozishicha, 19 yoshli sloveniyalik futbolchiga Londonning “Chelsi” klubi qiziqish bildirmoqda. Transfer narxi esa 50 million evroga baholanmoqda. Hujumchining Avstriya klubi bilan shartnomasi esa 2026 yilning yoziga qadar imzolangan.

Benjamin joriy mavsum Avstriya chempionatida 21 o‘yin o‘tkazib, 10 ta gol va 2 ta golli uzatmaga mualliflik qilgan.