“Челси” қимматбаҳо юлдуздан қутилиш учун уни арзон сотмоқчи

“Челси” раҳбарияти сўнгги йилларнинг энг омадсиз трансферларидан бири – Ромелу Лукакудан қутилиш йўлларини қидирмоқда.

Бир ярим йил муқаддам 97,5 миллион фунтга харид қилинган футболчи яна “Челси”га мослаша олмади. Бельгиялик форвард мавсум бошидан бери “Интер”да ижарада ўйнамоқда. Милан клуби ҳам уни ўз сафида олиб қолиш фикридан қайтди.

“Челси” мутасаддилари мухлислардан Ромелу Лукаку масаласида хавотир олмасликни сўради. Раҳбарият уни бошқа клубга тўлиқ сотиб юборишни режалаштирмоқда. Бу борада уни сўраган клублардан катта бадал пули талаб қилинмайди.

Football London нашрининг ёзишича, Лукакуга “Тоттенхэм”, “Ньюкасл”, “Бавария” ва “Атлетико” қизиқмоқда.