"Челси" қишда Хадсон-Одоини қўйиб юбормайди

"Челси" раҳбарияти ҳужумчи Каллум Хадсон-Одоини давралар оралиғида қўйиб юбормоқчи эмас.

The Athletic тарқатган хабарга кўра, “аристократлар” 20 ёшли футболчининг трансфери бўйича билдириладиган ҳар қандай таклифни рад этади, гарчи у Лондон клубида етарли ўйин амалиётига эга бўла олмаётган бўлса ҳам.

Хадсон-Одои жорий мавсум “Челси” сафида жами 12 та ўйинда майдонга тушди ва 3 та гол уришга муваффақ бўлди. Унинг клуб билан амалдаги шартномаси 2024 йилга қадар имзоланган.