"Chelsi" qo‘rqayotgan Kanteni to‘g‘ri tushundi

“Chelsi” rahbariyati frantsiyalik yarim himoyachi Ngolo Kantega jamoa mashg‘ulotlarida ishtirok etmaslikka ruxsat berdi.

29 yoshli futbolchi koronavirus tufayli mart oyida to‘xtatilgan chempionat tiklanishidan ko‘ra o‘zining sog‘ligidan ko‘proq xavotirlanmoqda. U hozircha mashg‘ulotlarga qaytish xavfsiz emas deb hisoblaydi.

“Chelsi” esa unga mashg‘ulotlarga kelmaslikka ruxsat beryapti, garchi shu tariqa u mavsumning qolgan qismini o‘tkazib yuborishi mumkin bo‘lsada. U hozir uyda shug‘ullanmoqda, “aristokratlar” rahbariyati uning bu qarorini qo‘llab-quvvatlamoqda.

Eslatib o‘tamiz, “Chelsi” 19 may sanasidan boshlab mashg‘ulotlarga kirishdi.