“Челси” раҳбарияти “Барса”дан келган ҳужумчи кетганини эълон қилди

Лондоннинг “Челси” клуби раҳбарияти жамоа ҳужумчиси Марк Гиунинг Германиянинг “РБ Лейпциг” клубига трансфер қилинганини эълон қилди.

Испаниялик футболчи 2024 йил ёзида “Барселона”дан “Челси”га ўтган ва лондонликлар сафида 29 та ўйинда 8 та гол урган.

- Гиу УЕФА Конференциялар лигасида ғолиб чиққан жамоанинг бир қисми бўлди ва ушбу мусобақада олтита ўйинда олтита гол урди.

Шунингдек, у ўтган йили клублар ўртасидаги жаҳон чемпионатида ғолиб чиққан жамоа таркибида ҳам бўлди.

“Челси”даги барча инсонлар Маркка клубдаги меҳнати учун миннатдорлик билдириб, “РБ Лейпциг”даги фаолиятининг янги босқичида унга муваффақият тилайди, - дейилади клуб матбуот хизмати хабарида.

2025/2026 йилги мавсумда 20 ёшли Марк Гиу “Сандерленд”да ижара асосида ўйнаган.