"Челси" "Реал"га қарши ўйин олдидан "Лондон дербиси"да ғалаба қозонди.

Англия Премьер-лигаси 33-туридан ўрин олган "Вест Хэм" - "Челси" учрашуви ўз ниҳоясига етди. Унда меҳмонлар 1:0 ҳисобида зафар қучди.

Ўйин тақдирини Тимо Вернернинг 43-дақиқада киритган ягона гол ҳал этди. Жарима майдонига етказиб берилган тўпни германиялик ҳужумчи дарвозага киритди.

Мазкур ғалаба орқали "аристократлар" очколари сонини 58 тага етказиб олган ҳолда, 4-ўринни мустаҳкамлади. "Болғачилар" 55 очко билан 5-поғонани банд этган.

Энди Тухель шогирдлари сешанба куни ЕЧЛ ярим финал босқичида "Реал"га қарши майдонга тушади.

• 90+6'
  

  Учрашув якунланди. "Челси" 4-ўринга анча мустаҳкам жойлашиб олди.

• 90+6'

  Сўнгги сонияларда ҳисоб ўзгариши мумкин эди. Бироқ Абраҳамнинг бўш қолган дарвозага йўллаган зарбаси ноаниқ кетди.

• 90+4'
  

  Ўйин вақтини сунъий равишда чўзган Менди огоҳлантирилди.

• 90+3'

  Бенраҳманинг уринишига аниқлик етишмади.

• 90+2'
  

  Бурчак тўпини қисқа пас билан ўйинга киритган меҳмонлар бир неча дақиқа ютишга муваффақ бўлди.

• 90'
  

  Асосий вақтга 5 дақиқа қўшиб берилди.

• 88'

  Хаким Зиешнинг узоқ масофадан йўллаган зарбасига аниқлик етишмади.

• 85'
  

  Аспиликуэта ўз ўрнини Рис Жэймсга бўшатиб берди.

• 83'
  

  Мойес қизил карточка туфайли мажбурий ўзгаришга қўл урди: Фредерикс ўрнига Бен Жонсон майдонга тушди.

• 81'
  

  ВАРни ўз кўзлари билан кўрган Крис Кавана Бальбуэнага қизил карточка кўрсатди.

• 78'

  Бальбуэна рақибига нисбатан анча жиддий қоида бузди. Ҳакам уни майдондан четлатиши мумкин.

• 76'

  Тимо Вернер яна бир қулай имкониятни бой берди.

• 74'
  

  Кристиан Пулишич ўз ўрнини Хаким Зиешга бўшатиб берди.

• 73'

  Ҳужумда тўпни олдириб қўйган Лингард рақибига нисбатан қўполлик ишлатди.

• 71'

  Майдон эгалари яна босим уюштира бошлади. Уларга гол зарур.

• 69'
  

  Нобл ва Форнальс ўрнига Бенраҳма ҳамда Ланзини майдонга тушди.

• 67'
  

  Жарима майдонига ёриб кирган Вернернинг кучли зарбасини дарвозабон қайтарди.

• 65'

  Тухель шогирдлари тўп назоратини қўлга олиш орқали рақибнинг шаштини пасайтирмоқчи.

• 63'
  

  Маунтнинг чиройли зарбасидан кейин тўпни дарвозабон қайтарди.

• 62'

  Жамоалар очиқ футбол намойиш эта бошлади.

• 60'

  "Вест Хэм"нинг штурми кучаймоқда. Футболчилар кетма-кет хавфли зарбалар йўллаяпти. Аммо ҳозирча, голдан дарак йўқ.

• 59'

  Лингарднинг стандартдан берган зарбасини дарвозабон осонликча ушлаб олди.

• 58'

  Ҳисобда ортда бораётган мезбонлар фаоллик кўрсатмоқда.

• 56'

  Форнальснинг зарбасидан кейин Менди тўпни ушлаб олди.

• 55'
  

  Узоқ масофадан берилган зарбаси Фабиански қайтарди. Вернернинг бўш қолган дарвозага такрорий уриниши ноаниқ кетди.

• 54'

  Мэйсон Маунтнинг жарима майдонига оширган тўпини ҳимоячилар узоқлаштирди.

• 52'

  Жоржиньо жарима майдони атрофидан зарба йўллай олмади.

• 50'

  "Болғачилар" анча фаол ўйин намойиш этмоқда.

• 48'

  Тўп назорати Дэвид Мойес шогирдлари томонда бўлиб турибди.

• 46'
  

  Иккинчи таймга старт берилди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 43'
  

  ГОООООООООООЛ! Учрашувда ҳисоб очилди!

  Чилуэллнинг узатмасидан кейин жарима майдони ичидан Вернер аниқ зарба йўллади.

• 41'
  

  Қарши ҳужумга қочаётган рақибини қўполлик эвазига тўхтатган Кристенсен огоҳлантирилди.

• 40'

  Бўлим якунига келиб, майдон эгалари ҳам ўйинга фаоллик қўшишни уддалади.

• 38'

  Эрта прессинг уюштирган "болғачилар" рақиб дарвозабонини хато қилишга мажбур қилди.

• 36'

  Жарима майдони ичида тўп Аспиликуэтанинг қўлига тегиб кетди. Ҳакам ўйинни давом эттиришга рухсат берди.

• 35'
  

  Жарима майдони яқинида қоида бузган Вернер сариқ карточкага лойик кўрилди.

• 35'

  Жарима майдонига кира олмаётган Лингард узоқ масофадан зарба берди. Ҳатто, тўп ҳам дарвозага қадар бормади.

• 33'

  Тимо Вернер вазиятларни кўкка совуришдан чарчамаяпти.

• 31'

  Қулай имкониятга эга бўлган Верне кутилганидек зарба бера олмади.

• 29'

  Ўйин темпи бироз пасайди. Футболчилар дарвозаларга зарба йўллай олмаяпти.

• 27'

  "Кўклар" рақиб жарима майдонини ишғол этишда қийинчиликка дуч келмоқда.

• 25'

  Жарима майдонига етказиб берилган тўпни Кристенсен узоқлаштирди.

• 22'
  

  "Аристократлар" бурчак зарбасидан унумли фойдалана олмади.

• 20'

  Меҳмонлар рақибни жарима майдонига қамаб қўймоқда.

• 18'

  Ўйин Тухель шогирдларининг устунлиги остида давом этмоқда.

• 15'

  Кристиан Пулишичнинг зарбаси бироз кучсиз чиқди. Дарвозабон тўпни ушлаб олди.

• 13'

  Вернер бирга-бир вазиятга чиқиб боришига олдинга югуриб чиққан Фабиански йўқ қўймади.

• 11'
  

  "Болғачилар" бурчак зарбасидан наф чиқара олмади.

• 9'
  

  Маунтнинг зарбасидан кейин дарвозабон тўпни эгаллаб олди.

• 7'
  

  Лингард вовеалар ривожидан илгарилаб кетди. Ҳакам ўйинни тўхтатди.

• 4'

  Тимо Вернернинг жарима майдони ичидан берган зарбасига аниқлик етишмади.

• 2'

  Тўп назоратини илк дақиқалардан майдон эгалари эгаллашга ҳаракат қиляпти.

• 1'
  

  Ўйин бошланди!