"Челси" Санчонинг трансфери бўйича музокара ўтказмоқда

Дортмунднинг "Боруссия" клуби вингери Жейдон Санчо янги мавсумни “Челси”да бошлаши мумкин.

Tuttomercatoweb нашри тарқатган хабарга кўра “аристократлар” аллақачон 19 ёшли англиялик футболчининг трансфери масаласида музокараларни бошлаб юборган. Ушбу трансфер ёзда амалга оширилиши ва у “Челси”га 120 млн еврога тушиши мумкин.

Таъкидлаш керакки, Санчога шунингдек “Манчестер Сити”, “Ливерпуль” ва “Манчестер Юнайтед” клублари ҳам харидор.

Маълумот учун, Санчо жорий мавсум “Боруссия” сафида жами 20 та ўйинда майдонга тушди ва 13 та гол ҳамда 13 та голли узатмага муаллифлик қилди.