"Челси" шу пайтгача асосий бўлган дарвозабонини сотувга қўйди

«Челси» клуби асосий дарвозабонларидан бири Роберт Санчесни сотишга тайёр. Бу ҳақда журналист Экрем Конур хабар бермоқда.

Манба маълумотига кўра, «Челси» яқинда Эмилиано Мартинесни харид қилганидан сўнг, 28 ёшли испаниялик дарвозабонни трансфер рўйхатига қўйган. Лондон клуби Санчес учун 24,5–28 миллион евро атрофидаги таклифларни кўриб чиқишга тайёр экани айтилмоқда. Ҳозирча футболчи учун асосий даъвогарлар сифатида «Тоттенхэм» ва «Комо» тилга олинмоқда.

Жорий мавсумда Роберт Санчес Премьер-лигада фақат битта ўйинда майдонга тушиб, икки гол ўтказиб юборган. «Брайтон»га қарши 4:3 ҳисобида якунланган сўнгги учрашувда эса у умуман ўйин рўйхатига киритилмади.

Шу билан бирга, Санчеснинг «Челси» билан амалдаги шартномаси 2030 йилгача мўлжалланган. Шу боис, эҳтимолий харидорлар уни қўлга киритиш учун жиддий молиявий таклиф билан чиқишига тўғри келади.