"Челси" Стерлингдан қутулиш ҳақида ўйламоқда

"Челси" вингери Раҳим Стерлинг мавсум охирида трансферга қўйилиши мумкин.

Яқинда “аристократлар” 100 миллион евро эвазига ўз сафига украиналик ярим ҳимоячи Михаил Мудрини қўшиб олди. Football Insider хабарига кўра, “Челси” раҳбарияти "Шахтёр"нинг 22 ёшли вингерини муваффақиятли трансфер қилганидан сўнг, ёзги трансфер ойнасида Раҳим Стерлингни сотиш ҳақида жиддий ўйламоқда.

Қайд этилишича, Лондон клуби ўтган ёз “Манчестер Сити”дан 56,2 миллион еврога сотиб олган 28 ёшли англиялик футболчининг ўйинларидан у қадар ҳам қониқиш хосил қилмаяпти. Трансфермаркт портали Стерлингни 70 млн еврога баҳоламоқда.

Маълумот учун, Рахим Стерлинг жорий мавсум "Челси" сафида жами 22 та ўйинда майдонга тушиб, 6 та гол уришга эришди.