"Chelsi" tez orada yana bir super transferni e’lon qiladi

Leverkuzenning "Bayer" klubi yarim himoyachisi Kay Xaverts katta ehtimol bilan faoliyatini "Chelsi"da davom ettiradi.

The Athletic nashri tarqatgan xabarga ko‘ra "aristokratlar" Xaverts uchun “dorishunoslar” talab qilayotgan 80 million evroni to‘lashga tayyor bo‘lgan yagona jamoa hisoblanadi. Qolaversa, futbolchining o‘zi ham “Chelsi” bilan shaxsiy kelishuvga erishgan. Tez orada bu transfer borasida rasman e’lon qilinishi kutilmoqda.

Xaverts joriy mavsum “Bayer” safida 43 ta o‘yinda maydonga tushdi va 17 ta gol hamda 9 ta golli uzatma yozdirib qo‘yishga erishdi.