“Челси” янги ҳужумчи сотиб олмоқчи

“Челси” жамоаси янги ҳужумчи сотиб олишни режалаштирмоқда. Клуб ПСВ футболчиси Нони Мадуэкени ўз таркибига қўшиб олишга ҳаракат қиляпти.

Инсайдер Фабрицио Романонинг хабар беришича, “аристократлар” ушбу трансфер бўйича Нидерландия клубига 30 миллион евролик таклиф билан чиқди. ПСВ ҳам футболчини сотишга қарши эмас.

Эслатиб ўтамиз, Мадуэкенинг клуби билан амалдаги шартномаси 2025 йилгача амал қилади. У ушбу мавсум барча турнирларда 8 та ўйинда майдонга тушиб, 2 та гол уришга муваффақ бўлди.