“Челси” зўрға олган футболчисини тезда ортга қайтариб юборади

Англия клублари бир неча мавсум давомида “Наполи” ҳимоя чизиғи етакчиси бўлган Калиду Кулибали учун кураш олиб борган эди. Ўтган йили “Челси”нинг омади чопиб, сенегаллик футболчини трансфер қилишни уддалади.

“Аристократлар” ҳимоячи учун анча катта сумма – 40 миллион евро тўлаган эди. Бироқ, Кулибалининг Англия Премьер-лигасидаги дебют мавсумини лондонликларни қониқтиргани йўқ.

Gazzetta dello Sport нашрининг ёзишича, “Челси” Кулибалини Италия чемпионатига қайтариб юбормоқчи. Айни пайтда “Ювентус” тажрибали ўйинчига харидор бўляпти.

“Челси” инглиз футболига мослаша олмаган 31 ёшли ҳимоячи ўрнига ёзда ёш, тезкор ва чаққон бошқа футболчи олиб келишни кўзламоқда.